09.02.2010 Mitch & Mambo
Mir isch vori grad i Sinn cho, das mir ja genau hüt vor 2 Mönet üsi zwöi Racker bi öich hei abgholt.
Deswege wirds doch widermau Zit fürne Zwüschebricht. Denä beide Luusbuebe geits beschtens u si werde geng wie grösser. Aber das söu ja o so si! Si hei säch würkläch wahnsinnig schnell iglebt bi üs u hei üs natürläch sofort ume Finger gwicklet.
Es Lebe ohni di zwöi Jungs chöi mir üs scho gar nüm vorsteue. Si si üs eifach scho so az Herze gwachse...
Dr Mambo isch wahnsinnig nöigierig u het o überhoupt ke Angscht vor Wasser. Er spassiert immer ufem Rand vor Badwanne we mir am Dusche si oder er ligt auso o gärn iz nasse Lavabo. Er hets echt fuustdick hinge dä Ohre u ihm faue geng wider nöi Spässli i. Dr Mitch isch eher kli ruhiger u suecht üsi Nächi immer sehr stark. We mir am Esse si, de hockt er meischtens bim Christian oder bi mir uf dr Schoss. O we mir ufem Sofa sitze, isch dr Mitch geng da. Er lat säch wahnsinnig gärn la strichele u gniesst das richtig. Aber mängisch geits de o recht zur Sach, we di beide mitenand spile. Isch immer interessant zum zueluege.
